Vilaseco, en colaboración con Manchea, está a levar a cabo unha investigación para a utilización do liño na fabricación do papel. 

A partir do testemuño das veciñas e da investigación previa, realizada polo arqueólogo Manuel Rodríguez Calviño, levamos a cabo un cultivo  de liño tradicional, recuperando a memoria das mulleres rurais na produción dun produto sostible e local.

A produción de tecidos en Galicia tivo gran importancia en distintos momentos da nosa historia, alcanzando o seu máximo esplendor nos séculos XVII e XVIII, aínda que a elaboración artesanal e doméstica de tecidos mantívose ata ben entrado o século XX.

Vilaseco ten a intención de aprender as técnicas dos cultivos tradicionais, recuperando os coñecementos das mulleres rurais para aproveitar os recursos da terra de maneira sostible.

Snapshots de Chantada, exposición colectiva que recolle os resultados do taller realizado dentro do programa 12Miradas coa artista Irene Kopelman e en colaboración co MUV FMJJ (Museo Virtual María José Jove)

A estancia e residencia de Pablo Diserens en Espazo Vilaseco (2023) foi financiada con fondos da Unión Europea NextGenerationEU.

Programa comisariado por Andrea Franco que trata de recoller a fascinación pola astronomía e o cosmos dunha serie de cineastas que, xa desde as orixes do cinema, exploraron a aparencia e os misterios do universo.

Que podemos recuperar da contorna? Que cambiou? Como o recoñecemos? Como nos afecta o que nos rodea e nos condiciona á hora de proxectar ou concibir obxectos? Que narrativa nova podemos dar aos habitantes que deciden recuperar a contorna rural?

O obxectivo deste encontro é convidar a comisarixs nacionais e internacionais a coñecer o contexto da arte contemporáneo en Galicia, visitando estudos de artistas, museos e fundacións.

Faladoiro é unha intervención realizada durante o taller impartido por Isaac Piñeiro en Espazo Vilaseco. A deseñadora e paisaxista Claudia de Sas Trujillo e a arquitecta Carola Heras ofrécennos con esta peza un punto de encontro, un muro vivo grazas á vexetación que o irá transformando.

“Os procesos foron super interesantes, cada un atopou maneiras de resolver novas, vinculadas ao seu traballo pero á vez, abrindo novas posibilidades dentro das prácticas. De alí xurdiu a idea de dar continuidade aos procesos e ver onde levarían a cada un e logo reencontrarnos en Chantada a compartir os resultados entre nós e abrindo o diálogo á comunidade.” Irene Kopelman

Obradoiro impartido por Olga Novo ao redor da aparición da poesía como un instante revelador. Os resultados foron presentados nun recital público celebrado durante o mes de maio en colaboración con Normal, espazo de intervención cultural da Universidade da Coruña.