En colaboración con Os Casares, o noso obxectivo é desenvolver proxectos comunitarios de carácter ecosocial, baseados na produción sostible de fibras naturais. Xunto con Idoia Costa e Agrofloresta, estamos a traballar no deseño e posta en marcha da produción de vimbia en San Cristovo de Mouricios. Estamos a facelo a través da permacultura e a promoción da agricultura regenerativa.

Este método pretende revitalizar o chan, a biodiversidade e as comunidades rurais a través de prácticas naturais tradicionais que conducen a unha menor dependencia dos recursos externos.