Luz Moreno Pinart sentiuse sempre atraida pola investigación ao redor da natureza. En 2019 realizou unha residencia na Villa Kujoyama, cun programa do Instituto Francés, o Ministerio de Cultura e a fundación Bettencourt Schueller en Kioto. Durante 3 meses traballou en torno á oliveira, experimentando coas súas fibras e cos seus refugallos para crear unha serie de obxectos que honran a esta árbore milenaria.

No 2022 foi artista residente na fundación Accolade - Institut de France, centrándose noutra planta milenaria, a ortiga. Investigou xunto a científicos, herbolarios, tecedores e agricultores e creou unha peza, “Texere urtica” que fala de como se multiplica a ortiga grazas ás súas rizomas e á súa anatomía. A escultura está feita enteiramente de ortiga e arame de cobre.

“Na miña práctica artística considérome unha investigadora, gústame elixir un “ingrediente”, un tema ou unha planta, e pasar meses facendo investigacións históricas, científicas, téxtiles... para terminar cunha peza que conta a vida destas plantas e que cuestiona as relacións entre o medio ambiente e o ser humano. Gústame dicir que as miñas pezas falan o idioma destas plantas”.

Nesta residencia no espazo Vilaseco, en San Cristovo de Mouricios, profundou sobre o liño e o castiñeiro.