En xullo de 2023 ELIURPI impartiu un obradoiro sobre a idea de crear un obxecto contemporáneo con elementos da contorna da Ribeira Sacra e Chantada, utilizando técnicas ancestrais levadas á forma de traballo de cada participante.

Ignasi Aballí propuxo, neste obradoiro, reflexionar sobre o espazo necesario para xerar pensamento, ideas e reflexións, tentando responder as preguntas: que espazo necesitamos? E canto espazo necesitamos?

Que podemos recuperar da contorna? Que cambiou? Como o recoñecemos? Como nos afecta o que nos rodea e nos condiciona á hora de proxectar ou concibir obxectos? Que narrativa nova podemos dar aos habitantes que deciden recuperar a contorna rural?

“Os procesos foron super interesantes, cada un atopou maneiras de resolver novas, vinculadas ao seu traballo pero á vez, abrindo novas posibilidades dentro das prácticas. De alí xurdiu a idea de dar continuidade aos procesos e ver onde levarían a cada un e logo reencontrarnos en Chantada a compartir os resultados entre nós e abrindo o diálogo á comunidade.” Irene Kopelman

Obradoiro impartido por Olga Novo ao redor da aparición da poesía como un instante revelador. Os resultados foron presentados nun recital público celebrado durante o mes de maio en colaboración con Normal, espazo de intervención cultural da Universidade da Coruña.